عارفانہ کلام حمد نعت منقبت
بن کے نور خدا مصطفیٰﷺ آ گئے
مرحبا مرحبا مصطفیٰﷺ آ گئے
اجڑی دنیا تھی، آقاﷺ نے آباد کی
ہر طرف دھوم ہے ان کی میلاد کی
سب کے مشکل کشا مصطفیٰﷺ آ گئے
جن کی خبریں نبی سارے دیتے گئے
جو گدا آئے خیرات لیتے گئے
وہ سراپا عطا مصطفیٰﷺ آ گئے
ہو گئے نور دنیا کے ظلمت کدے
جن کے آنے سے ماؤں کو بیٹے ملے
سرور انبیاء مصطفیٰﷺ آ گئے
عرش پر جشن جن کا منایا گیا
سب رسولوں کو جس میں بلایا گیا
ہاں وہی دل ربا مصطفیٰﷺ آ گئے
مشرکوں بت پرستوں کے دن پھر گئے
سب تراشے ہوئے بت زمیں پر گرے
حق نگر حق نما مصطفیٰﷺ آ گئے
اب نہ مایوس ہو گا سوالی کوئی
آج ناصر نہ لوٹے گا خالی کوئی
مسکرا اے گدا مصطفیٰﷺ آ گئے
ناصر چشتی
No comments:
Post a Comment