وہی میری نا مرادی وہی گردش زمانہ

 وہی میری نا مرادی، وہی گردش زمانہ

مِری زندگی تصور مِری عِشرتیں فسانہ

نہ حضوریوں کی خواہش نہ وصال کی تمنا

مجھے اب بھی ہے تعارف وہی ان سے غائبانہ

جو تجھے خیال ہوتا یہ مِرا نہ حال ہوتا

نہ تِری نگاہ بدلی، نہ بدل سکا زمانہ

یہ جہاں کی ایک کروٹ یہ خزاں کا ایک دھوکا

یہ ہوائیں بھیگی بھیگی،۔ یہ بہار کا ترانہ

کوئی خواب تھا یہ شاید جو نظر میں پھر رہا ہے

وہ مِری نیاز مندی، وہ کسی کا آستانہ

نہ تِرا سراغ پایا، نہ سکوں کا راز پایا

مِری زندگی تھی گویا غمِ دل کا اک بہانہ

مِری آرزوئے رسوا نہ چھپے گی ہوش مجھ سے

کہ مِری نگاہ میں ہے، مِرے درد کا فسانہ

ہوش بلگرامی

نواب ہوش یار جنگ