عارفانہ کلام حمد نعت منقبت
تیری معراج کہ تو لوح و قلم تک پہنچا
میری معراج کہ میں تیرے قدم تک پہنچا
اک ذرہ خاک تھا میں دوشِ ہوا پر
تیرے احسان کہ میں ارضِ حرم تک پہنچا
کیا خوب وہ لمحہ وہ گھڑی اور وہ موسم
جب نُورِ رسالتؐ میرے دیدۂ نم تک پہنچا
گرداب معصیت میں گھرا میرا سفینہ
تیرے ہی کرم سے بحر کرم تک پہنچا
بے نُور زمانہ تھا شب تار تھی ہر سو
گِر کے انسان تھا پتھر کے صنم تک پہنچا
تیرا آ نا شبِ تار کے جانے کی نوید
تُو نے بانٹا تھا وہ نور جو ہم تک پہنچا
تیرے ہی وسیلے سے ملی ہم کو حیات
پیغامِ خداوندِ جہاں ہم تک پہنچا
وہ ابرِ کرم تیرا کہ صحرائے عرب سے
ہے نُور فشاں دیکھ عجم تک پہنچا
سیماب میں تاب تیرے نام سے آئی
ورنہ یہ ڈوب کے تھا بحرِ الم تک پہنچا
سیماب اویسی
مولانا محمد اکرم اعوان
No comments:
Post a Comment