عارفانہ کلام حمد نعت منقبت
صدقے میں مصطفٰیؐ کے منور ہیں اس لیے
تکتے ہیں مہر و ماہ شہ دو جہاں کا رخ
جس جا فرشتے خم بجبیں رہتے ہیں سدا
میں نے بھی کر لیا ہے اسی آستاں کا رخ
حسرت ہو دیکھنے کی جسے خلد کو یہاں
جلدی سے کر لے سنگِ درِ جان جاں کا رخ
یوسف کا حسن زینتِ بازارِ مصر تھا
آئینئہ خدا ہے شہﷺ مُرسلاں کا رخ
ان زاہدوں کی طرزِ عبادت کو دیکھ کر
اب کر لیا ہے رندوں نے شہرِ بُتاں کا رخ
کعبے کی بات کیا ارے قبلہ بدل گیا
جس سمت ہو گیا ہے میرے مہرباں کا رخ
جس در سے بھیک زیست کی بٹتی ہے ہر گھڑی
عاقب نے کر لیا ہے اسی آستاں کا رخ
عاقب چشتی
No comments:
Post a Comment