درد دے داغ دے ہر زخم کو گہرائی دے
کون کہتا ہے کہ درماں دے، شکیبائی دے
مِری خاطر نہ بدل اپنی عطا کا انداز
سب کی توقیر بڑھا دے، مجھے رُسوائی دے
زخم کو دیکھ سکوں، عکس کو پہچان سکوں
آئینے سے مجھے اتنی تو شناسائی دے
بارشِ سنگ ذرا دیر رُکی ہے یا رب
اب مجھے زخم شماری کی توانائی دے
ان اجالوں کی عطا کردہ سیاہی دیکھوں
مِری آنکھوں کو مگر کون وہ بینائی دے
رائیگاں ہونے نہ دے میرے لہوں کا ایثار
کُوئے مقتل کو اسی خُون سے زیبائی دے
دشتِ تنہائی کو پھر قُرب سے کر دے گُلزار
اس خرابے کو کوئی رنگ دے، رعنائی دے
شجرِ ظُلم ہرا ہے ابھی راہی! لیکن🌳
کیا عجب ہے کہ یہ کل سایۂ رُسوائی دے
راہی قریشی
No comments:
Post a Comment