اک خواب میری آنکھ کا تعبیر ہوا ہے
جو پہلے ایک رنگ تھا تصویر ہوا ہے
لہجہ بھی آج نرم ہے، الفاظ مہرباں
لگتا ہے کوئی معاملہ گھمبیر ہوا ہے
تُو ہو تو خوشگوار نہ ہو تو اداس ہے
اب موسمِ دل بھی تیری جاگیر ہوا ہے
حیراں تھا طبیب کہ لفظوں کا زہر بھی
اس مرضِ بے علاج کو اکسیر ہوا ہے
ہر لفظ اسی نام کی ہر شعر اسی کا
وہ حرفِ مسلسل میری تحریر ہوا ہے
دل کس لیے مغرور نہ ہوتا کہ ایک شخص
ناقابلِ تسخیر تھا، تسخیر ہوا ہے
صبا خان
No comments:
Post a Comment