اس کے سوا اگر ہے کوئی زندگی تو کیا

 اس کے سوا اگر ہے کوئی زندگی تو کیا

یعنی، وہاں بھی کرنی پڑی بندگی تو کیا

مانا کہ آسماں سے زمیں تک ہے روشنی

روشن نہیں ضمیر، گئی تیرگی تو کیا

ہے جذبۂ خلوص سے سرشار زندگی

دنیا نہ دے سکی تجھے آسودگی تو کیا

تصویرِ حسن ہے مِری آنکھوں کے سامنے

جو کر رہی فریبِ نظر دل لگی تو کیا

منزل کی جو طلب ہے تو پہونچے گا تُو ضرور

تیرے ارادے میں جو نہیں پختگی تو کیا

کچھ دیر کے لیے غمِ جاناں کو بھول کر

دل میں اگر سعید بڑھی تشنگی تو کیا

سید سعید احمد کڑوی