برہمی اچھی نہیں ہے مسکرا کر دیکھیے
ہمنشیں ہم کو کبھی اپنا بنا کر دیکھیے
یاد آتا ہے محبت کا زمانہ بولیے
کچھ نئی آنکھوں سے بھی آنکھیں ملا کر دیکھیے
چاند آخر چاند ہوتا ہے، غلط فہمی کہاں
دور جا کر دیکھیے یا پاس آ کر دیکھیے
پر نہیں اڑنے کے قابل پھر بھی کوشش کیجیے
دے ہوا پرواز شاید، پر ہلا کر دیکھیے
سب نے لُوٹا ہے ضمیر اپنا بنا کر پیار میں
اس گلی میں بھی ذرا سر کا جھکا کر دیکھیے
ضمیر حیدر ضمیر
بصارت سے محروم شاعر
No comments:
Post a Comment