آپ کی شان کریمی کا کنارا ہی نہیں

 عارفانہ کلام حمد نعت منقبت

آپﷺ کی شان کریمی کا کنارا ہی نہیں

آپ سے بڑھ کے کوئی اللہ کو پیارا ہی نہیں

اب بھی جبریل یہی کہتے نظر آتے ہیں

آپﷺ سا کوئی حسیں اور ستارا ہی نہیں

دیکھ قرآن میں کیا کیا انہیں القاب دئیے

نام لے کر تو خدا نے بھی پکارا ہی نہیں

جس طرف آپ گئے قرآن بھی پیچھے آیا

یوں کسی اور پر قرآں کو اتارا ہی نہیں

دیکھا خالق کو مگر بہکی نظر بھی نہ تری

کون دیکھے یوں کسی آنکھ کو یارا ہی نہیں

یہ حقیقت ہے کہ ناصر میرے جیسوں کو

جز مدینے کے کہیں اور گزارا ہی نہیں

ناصر چشتی