عارفانہ کلام حمد نعت منقبت
آسماں ہے خوب چمکا آمدِ سرکارﷺ پر
کیا حسیں منظر ہے پیارا آمدِ سرکارﷺ پر
تھی پریشانی کی ساعت اس لیے تو زور سے
بیٹھ کر ابلیس رویا آمدِ سرکارﷺ پر
کر رہے ہیں تذکرہ با ذوق سب سرکار کا
ہے مقدر سب کا اعلیٰ آمدِ سرکارﷺ پر
بارہویں تاریخ کو ماہِ ربیعُ النور میں
"ہر طرف ہے نور بکھرا آمدِ سرکارﷺ پر"
آسماں روشن ہوا ہے اور سجی ہے یہ زمیں
گلشنِ دنیا بھی مہکا آمدِ سرکارﷺ پر
حضرتِ جبریلؑ نے کعبہ کی چھت پر اک علم
شان سے آ کر لگایا آمدِ سرکارﷺ پر
الفتِ خیر الوری میں با ادب تابش نے بھی
دل کو پاکیزہ بنایا آمدِ سرکارﷺ پر
محمد بلال تابش
No comments:
Post a Comment