دوستدارانِ وفا گم ہو گئے
وائے اربابِ وفا گم ہو گئے
راستے پر پیچ ، راہی دلفگار
رہبروں کے نقشِ پا گم ہو گئے
رات کے تاریک سناٹوں کے ساتھ
ضربتِ امواج تیرا شکریہ
ناؤ ڈوبی ناخدا گم ہو گئے
اول اول منزلیں اوجھل ہوئیں
آخر آخر رہنما گم ہو گئے
اب نہ نکہت ہے نہ شبنم ہے نہ رنگ
ہم صفیرانِ صبا گم ہو گئے
شیخ صاحب ہمرہِ پیرِ مغاں
میکدے میں کیا ہوا، گم ہو گئے
پڑ گئی مدھم حُدی خوانوں کی لے
شہ سوارانِ وفا گم ہو گئے
خندۂ مہرِ درخشاں کی قسم
اس سحر کے آشنا گم ہو گئے
اب کہاں شعر و سخن کی رونقیں
شاعرِ شعلہ نوا گم ہو گئے
آغا شورش کاشمیری
No comments:
Post a Comment