چمن میں رہ کے ویرانہ میرا دل ہوتا جاتا ہے

فلمی گیت

چمن میں رہ کے ویرانہ میرا دل ہوتا جاتا ہے
خوشی میں آج کل کچھ غم بھی شامل ہوتا جاتا ہے
چمن میں رہ کے ویرانہ ۔۔۔۔۔

نہ جانے کیوں بدلتی جا رہی ہے زندگی میری
میں دل سے بےخبر دل مجھ سے غافل ہوتا جاتا ہے
چمن میں رہ کے ویرانہ ۔۔۔۔۔

یہ الجھن اور یہ بے چینی، یہ دھڑکن اور یہ بے تابی
میرا دل جانے کن تیروں سے گھائل ہوتا جاتا ہے
چمن میں رہ کے ویرانہ میرا دل ہوتا جاتا ہے
خوشی میں آج کل کچھ غم بھی شامل ہوتا جاتا ہے
چمن میں رہ کے ویرانہ ۔۔۔۔۔

شکیل بدایونی