نہ آج خود کو سنبھالو اگر مِری مانو
مجھے گلے سے لگا لو اگر مری مانو
بہت نشاط فزا رقص گاہ کی ہے یہ شب
مزاج تم بھی بنا لو اگر مری مانو
پسِ وصال بھلا کیا علاجِ مرگِ امید
مِرے قلم میں سیاہی ہے روشنائی نہیں
تم اپنے حرف مِٹا لو اگر مری مانو
ہوا ہے شہر میں سچ کا حرام نطق و بیاں
زباں پہ قفل لگا لو اگر مری مانو
بنامِ غیر جو دشنام ہیں مجھے دے لو
غبارِ دل تو نکالو اگر مری مانو
تمہارا سودا وفا اور جنوں مری نقدی
دکان اپنی بڑھا لو اگر مری مانو
بہاؤ نہ رخِ نازک پہ اشکِ حزن و ملال
قصاصِ قتلِ وفا لو اگر مری مانو
مزاجِ دشت نوردی جو تم نبھا نہ سکو
تو مجھ سے راہ جدا لو اگر مری مانو
ادائے قرضِ چمن کا ہوا ہے وقت ضمیرؔ
حسابِ سود لگا لو اگر مری مانو
اویس ضمیر
No comments:
Post a Comment