اس بار اس نے رنج جدائی نہیں دیا

اس بار اس نے رنجِ جدائی نہیں دیا

بچھڑے تو کوئی رنج دکھائی نہیں دیا

وہ کر رہا تھا لطف مگر بے دلی کے ساتھ

دل نے مجھے بھی اذنِ رسائی نہیں دیا

ترکِ تعلقات پہ مائل تھے ہم، مگر

رستہ کسی کو کوئی دکھائی نہیں دیا

ہم مطمئن تھے ترکِ مراسم کے موڑ پر

دامن پہ کوئی داغ دکھائی نہیں دیا

کچھ تو ضرور اس نے کہا تھا دمِ فراق

دل میں وہ شور تھا کہ سنائی نہیں دیا

اپنے کئے پہ خود وہ پشیمان تھا سلیم

طعنہ اسے کبھی، مِرے بھائی نہیں دیا

صفدر سلیم سیال