حال دنیا میں ہوا رحم کے قابل اپنا

حال دُنیا میں ہوا رحم کے قابل اپنا

نہ خسم اپنا ہے باجی نہ مؤا دل اپنا

وقت کی اپنے میں لیلیٰ ہوں وہ مجنوں گوئیاں

اور کیا چاہیے چُھپ جائے گا ناول اپنا

صبر بندی کا سمیٹا کیے مرتے مرتے

قبر میں ان کی فرشتہ نہ ہو نازل اپنا

ایک سے لاکھ تک انکار نہیں کرنے کی

لا کے دکھلائیں تو مجھ کو وہ ذرا بل اپنا

رات چُرائی تھی پھر اگلی محبت ان کی

مجھ کو پڑھ پڑھ کے سُنایا کیے ناول اپنا

جونک پتھر میں نہیں لگتی ہے یہ سچ ہے مگر

کیسے کر لے کوئی تیرا سا موئے دل اپنا

ایک سے ایک زمانے میں پڑے ہیں شیدا

کیسے کہتے ہو نہیں کوئی مقابل اپنا

شیدا الہ آبادی

مولوی نثار حسین خاں