نندو اور میں
رات نندو نے اور میں نے بھی
خواب دیکھا کہ تھر کے صحرا کے
مور سارے اداس بیٹھے ہیں
بات اب تک کھلی نہیں مجھ پر
جھیل کینجھر کی سطح پر شب بھر
٭جام نندو نے گیت کیوں گائے
گیلی مٹی پہ بیٹھ کر ہم نے
کس لیے حاشیے بنائے تھے
کیوں سبھی زاویے مٹائے تھے
جھیل کینجھر کی سطح پر ہم نے
رات بھر اشک کیوں بہائے تھے
میر ساگر رحمان
٭جام نندو: جام نظام الدین دوم المعروف جام نندو سندھ کی سلطنت سمہ کے حکمران تھے جن کا دور امن و آشتی کا دور گردانا جاتا ہے، جام نندو عوام میں ہردلعزیز فرمانروا مشہور تھے۔ (جام نندو کے بزرگ جام سموں نے سلطنتِ سمہ کی بنیاد رکھی تھی)
No comments:
Post a Comment