فُرصت میں اُوپر والے کو دھیان جب آیا تیرا
چاند کی کِرنیں گوندھ کے اس نے جسم بنایا تیرا
میں دیوار سے کان لگا کر سنتا دھڑکن تیری
کاش مجھے تقدیر بنا دیتی ہمسایہ تیرا
شانے تیرے چاندی چاندی، زُلفیں سونا سونا
سمجھ گیا وہ، میں ہی لِپٹا ہوں تیرے قدموں سے
چاندنی راتوں میں جس نے بھی دیکھا سایہ تیرا
قطرہ قطرہ پِگھل رہی تھی برف میرے اندر کی
سردی نے جس رات بدن مجھ کو پہنایا تیرا
یہ تیری بادامی آنکھیں شانت سمندر جیسی
ان میں ڈُوب کے بھی میں نے کوئی بھید نہ پایا تیرا
ملکوں ملکوں ہوئے قتیلؔ کچھ اور بھی اسکے چرچے
شہر کے لوگوں سے جب اس نے پیار چُھپایا تیرا
قتیل شفائی
No comments:
Post a Comment