خواب دیکھے بِنا تعبیر سے بندھ کر بیٹھا
میں کہ موہُوم سی زنجیر سے بندھ کر بیٹھا
مجھ کو دیکھا گیا اِس شہر میں حیرانی سے
جلد بازوں میں جو تاخیر سے بندھ کر بیٹھا
وہ بھی مامور مِری ذات کی مسماری پر
میں بھی اِک حسرتِ تعمیر سے بندھ کر بیٹھا
ایسے مبہوت ہوا، جیسے کہ بُت پتھر کا
مُدتوں میں تِری تصویر سے بندھ کر بیٹھا
میں رہا محو اسی دل کی پزیرائی میں
جو کسی زُلفِ گرہ گیر سے بندھ کر بیٹھا
شعر میں سوز و گداز اور اثر لانے کو
میں کہ غالبؔ سے، کبھی میرؔ سے بندھ کر بیٹھا
جانے کیا بات ہے اِس شہرِ سُخن میں اشرفؔ
لفظ در لفظ ہوں تحریر سے بندھ کر بیٹھا
میں کہ موہُوم سی زنجیر سے بندھ کر بیٹھا
مجھ کو دیکھا گیا اِس شہر میں حیرانی سے
جلد بازوں میں جو تاخیر سے بندھ کر بیٹھا
وہ بھی مامور مِری ذات کی مسماری پر
میں بھی اِک حسرتِ تعمیر سے بندھ کر بیٹھا
ایسے مبہوت ہوا، جیسے کہ بُت پتھر کا
مُدتوں میں تِری تصویر سے بندھ کر بیٹھا
میں رہا محو اسی دل کی پزیرائی میں
جو کسی زُلفِ گرہ گیر سے بندھ کر بیٹھا
شعر میں سوز و گداز اور اثر لانے کو
میں کہ غالبؔ سے، کبھی میرؔ سے بندھ کر بیٹھا
جانے کیا بات ہے اِس شہرِ سُخن میں اشرفؔ
لفظ در لفظ ہوں تحریر سے بندھ کر بیٹھا
اشرف نقوی
No comments:
Post a Comment