آئے تو میری روح کو تڑپا کے چل دیئے
اُلفت کی اِک شراب سی برسا کے چل دیئے
ان کے حجاب میں نہ کوئی بھی کمی ہوئی
میری نگاہِ شوق کو ترسا کے چل دیئے
تقدیر اس کو کہتے ہیں، قسمت ہے اس کا نام
تسِکین دینے آئے تھے، تڑپا کے چل دیئے
آئے تو تھے کہ درد مٹا دیں گے قلب کا
دیکھا جو حال غیر تو گھبرا کے چل دیئے
آنکھوں میں کچھ حسِین سے آنسُو بھرے ہوئے
چُپکے سے آئے اور مجھے سمجھا کے چل دیئے
ان سے کسی اُمید کا رکھنا فضول ہے
میرے دلِ غریب کو ٹُھکرا کے چل دیئے
اوروں کو بھر کے دے دیئے جامِ شرابِ ناب
اور مجھ کو رازِ مئے کدہ سمجھا کے چل دیئے
جب داستانِ عشق مری ختم ہو گئی
بَل کھا کے چل دیئے، کبھی شرما کے چل دیئے
میں نے جو یہ کہا کہ اب آنا تو ہو چکا
بہزادؔ میرے سَر کی قسم کھا کے چل دیئے
اُلفت کی اِک شراب سی برسا کے چل دیئے
ان کے حجاب میں نہ کوئی بھی کمی ہوئی
میری نگاہِ شوق کو ترسا کے چل دیئے
تقدیر اس کو کہتے ہیں، قسمت ہے اس کا نام
تسِکین دینے آئے تھے، تڑپا کے چل دیئے
آئے تو تھے کہ درد مٹا دیں گے قلب کا
دیکھا جو حال غیر تو گھبرا کے چل دیئے
آنکھوں میں کچھ حسِین سے آنسُو بھرے ہوئے
چُپکے سے آئے اور مجھے سمجھا کے چل دیئے
ان سے کسی اُمید کا رکھنا فضول ہے
میرے دلِ غریب کو ٹُھکرا کے چل دیئے
اوروں کو بھر کے دے دیئے جامِ شرابِ ناب
اور مجھ کو رازِ مئے کدہ سمجھا کے چل دیئے
جب داستانِ عشق مری ختم ہو گئی
بَل کھا کے چل دیئے، کبھی شرما کے چل دیئے
میں نے جو یہ کہا کہ اب آنا تو ہو چکا
بہزادؔ میرے سَر کی قسم کھا کے چل دیئے
بہزاد لکھنوی
No comments:
Post a Comment