دامن ضبط بھگو دینے کو جی چاہتا ہے

دامنِ ضبط بھگو دینے کو جی چاہتا ہے
اتنا تنہا ہوں کہ رو دینے کو جی چاہتا ہے
سانس کی ڈور سلامت ہے ابھی تک شاید
اب یہ احساس بھی کھو دینے کو جی چاہتا ہے
شاخِ گل جب بھی تہی دست نظر آتی ہے
اپنا دل اس میں پرو دینے کو جی چاہتا ہے
ایک گمنام مسافر کی طرح چپکے سے
خود کو اس بھیڑ میں کھو دینے کو جی چاہتا ہے
اِک رِدا خاک کی ہر دکھ سے دلا دے گی نجات
خود کو مٹی میں سمو دینے کو جی چاہتا ہے
درد ایسا ہے کہ مرہم کے بجائے ساجد
دل میں نشتر سا چبھو دینے کو جی چاہتا 

اعتبار ساجد