صحرا کی تیز گرم ہوا سا مزاج تھا
ظاہر میں جس کا بادِ صبا سا مزاج تھا
اپنی بھی دوستوں سے کچھ ایسی بنی نہیں
اپنا بھی دوستوں میں کھرّا سا مزاج تھا
گاہے وہ مہربان تھا، گاہے تھا بے نیاز
اک شخص کا عجیب خدا سا مزاج تھا
اک وقت تھا قبول دعا ہو گئی تھی جب
اک رات تھی جب اس کا گھٹا سا مزاج تھا
رہتے تھے دشتِ عشق میں کُوفہ مزاج لوگ
اور دشت کا بھی کرب و بلا سا مزاج تھا
میں بدمزاج اوروں کی خاطر تھا افتخارؔ
اس واسطے تو حرفِ دُعا سا مزاج تھا
ظاہر میں جس کا بادِ صبا سا مزاج تھا
اپنی بھی دوستوں سے کچھ ایسی بنی نہیں
اپنا بھی دوستوں میں کھرّا سا مزاج تھا
گاہے وہ مہربان تھا، گاہے تھا بے نیاز
اک شخص کا عجیب خدا سا مزاج تھا
اک وقت تھا قبول دعا ہو گئی تھی جب
اک رات تھی جب اس کا گھٹا سا مزاج تھا
رہتے تھے دشتِ عشق میں کُوفہ مزاج لوگ
اور دشت کا بھی کرب و بلا سا مزاج تھا
میں بدمزاج اوروں کی خاطر تھا افتخارؔ
اس واسطے تو حرفِ دُعا سا مزاج تھا
افتخار حیدر
No comments:
Post a Comment