سب کا دلدار ہے دلدار بھی ایسا ویسا

سب کا دلدار ہے دلدار بھی ایسا ویسا
اک مِرا یار ہے اور یار بھی ایسا ویسا
دشمنِ جاں بھی نہیں کوئی برابر اس کے
اور مِرا حاشیہ بردار بھی ایسا ویسا
بے تعلق ہی سہی اس کو مگر ہے مجھ سے
اک سروکار، سروکار بھی بھی ایسا ویسا
ذوقؔ سے اس کو عقیدت ہے کہ اللہ اللہ
اور غالب کا طرفدار بھی ایسا ویسا
جس کا شاہوں کی نظر میں کوئ کردار نہ تھا
ایک کردار تھا، کردار بھی ایسا ویسا
ایک اصرار تھا، اصرار بھی بیعت کے لیے
ایک انکار تھا، انکار بھی ایسا ویسا

جاوید صبا