ان سے میری جھوٹی سچی کی جو برائی لوگوں نے
آخر مجھ سے روٹھ گئے وہ، ایسی لگائی لوگوں نے
ساتھ دیا جھوٹے لوگوں کا، رونا تو اس بات کا ہے
سچے تھے جو ان لوگوں سے، کی نہ بھلائی لوگوں نے
سب سے ہوئے وہ سینہ بہ سینہ، ہم سے ملایا خالی ہاتھ
عید کے دن جو سچ پوچھو تو، عید منائی لوگوں نے
کرنے لگے بہکی تقریریں، حضرتِ واعظ محفل میں
پانی میں تھوڑی سی ملا کر، کل جو پلائی لوگوں نے
دیوانہ، دیوانہ، کہہ کر دنیا میں بدنام کیا
میرے جنوں کی بات نہ تھی کچھ بات بڑھائی لوگوں نے
مرتے دم تک ساتھ رہا جو پُرنمؔ اس سے ایسا سلوک
جلدی سے کفنا دفنا کر جان چھڑائی لوگوں نے
آخر مجھ سے روٹھ گئے وہ، ایسی لگائی لوگوں نے
ساتھ دیا جھوٹے لوگوں کا، رونا تو اس بات کا ہے
سچے تھے جو ان لوگوں سے، کی نہ بھلائی لوگوں نے
سب سے ہوئے وہ سینہ بہ سینہ، ہم سے ملایا خالی ہاتھ
عید کے دن جو سچ پوچھو تو، عید منائی لوگوں نے
کرنے لگے بہکی تقریریں، حضرتِ واعظ محفل میں
پانی میں تھوڑی سی ملا کر، کل جو پلائی لوگوں نے
دیوانہ، دیوانہ، کہہ کر دنیا میں بدنام کیا
میرے جنوں کی بات نہ تھی کچھ بات بڑھائی لوگوں نے
مرتے دم تک ساتھ رہا جو پُرنمؔ اس سے ایسا سلوک
جلدی سے کفنا دفنا کر جان چھڑائی لوگوں نے
پرنم الہ آبادی
No comments:
Post a Comment