ہر موڑ کو چراغِ سرِ رہ گزر کہو
بِیتے ہوئے دنوں کو غبارِ سفر کہو
خوں گشتہ آرزو کو کہو شامِ مے کدہ
دل کی جراحتوں کو چمن کی سحر کہو
غم ہائے روزگار کا کچھ احترام بھی
ہر رہگزر پہ کرتا ہوں زنجیر کا قیاس
چاہو تو تم اسے بھی جنوں کا اثر کہو
یہ بھی عروجِ رنگ کا اک معجزہ سہی
پھولوں کی تازگی کو فروغِ شرر کہو
دانشورانِ حال کا تاباںؔ، ہے مشورہ
ہر منظرِ جہاں کو فریبِ نظر کہو
غلام ربانی تاباں
No comments:
Post a Comment