ہے کس کو ہوش تاب رخ یار دیکھ کر

 ہے کس کو ہوش تابِ رخِ یار دیکھ کر

سب ہو گئے ہیں نقش بہ دیوار دیکھ کر

پوری نہ ہو گی حسرتِ دیدار دیکھ کر

سو بار دیکھیے انہیں سو بار دیکھ کر

اے مستِ ناز دیکھنے والوں کے دل تو دیکھ

پامال ہو گئے تِری رفتار دیکھ کر

مدت سے تھی مجھے تو اسی دن کی آرزو

روتے ہیں کیوں مجھے مِرے غمخوار دیکھ کر

اچھوں سے کچھ بروں کا تعلق ضرور ہے

پھولوں کی یاد آ ہی گئی خار دیکھ کر

یوسف ہیں جان خواب زلیخا زہے نصیب

سوتا کون طالع بیدار دیکھ کر

مخمورؔ میرا کفر بھی ایمان ہو گیا

کافر نہ کہہ سکے مجھے دیندار دیکھ کر

مخمور دہلوی ​