دمِ صبح آندھیوں نے جنہیں رکھ دیا مسل کے
وہی ننھے ننھے پودے تھے گھنے درخت کل کے
نئے ساتھیوں کی دھن میں تِری دوستی کو چھوڑا
کوئی تجھ سا بھی نہ پایا تِرے شہر سے نکل کے
سرِ شام آج کوئی مِرے دل سے کہہ رہا ہے
وہی رسمِ کم نگاہی، وہی رات کی سیاہی
مِرے شہر کے چراغو! یہاں کیا کرو گے جل کے
نئے خواب میری منزل، تہِ آب میرا ساحل
تمہیں کیا ملے گا یارو! مِرے ساتھ ساتھ چل کے
یہ مشاہدہ ہے میرا رہِ زندگی میں باصرؔ
وہی منہ کے بل گرا ہے جو چلا سنبھل سنبھل کے
باصر کاظمی
No comments:
Post a Comment