لب منزل فغاں ہے نہ پہلو مکان داغ

لب منزلِ فغاں ہے، نہ پہلو مکانِ داغ

دل ره گیا ہے نام کو باقی نشانِ داغ

اے عشق! خاکِ دل پہ ذرا مشقِ فتنہ کر

پیدا کر اس زمِیں سے کوئی آسمانِ داغ

دل کچھ نہ تها تمہاری نظر نے بنا دیا

دنیائے درد، عالمِ حسرت، جہانِ داغ

پہلے اجل کو رخصتِ تلقینِ صبر دے

پهر آخری نِگاہ سے سن داستانِ داغ

وه تیری بزم تهی، نہ ملی جس میں چپ کی داد

یہ حشر ہے، یہاں تو کهلے گی زبانِ داغ

ہم ساده دل ہیں خوش، کہ ہوئی نذرِ دل قبول

اس بد گماں کو مدِ نظر امتحانِ داغ

سارا ملال پیار کی نظروں سے مٹ گیا

ان رہزنوں نے لوٹ لیا کاروانِ داغ

فانی! زمینِ گورِغرِیباں ہے لالہ زار

پھر فصلِ گل میں خاک ہوئی ترجمانِ داغ

فانی بدایونی