کب تک پھروں گا ہاتھ میں کاسہ اٹھا کے میں
جی چاہتا ہے بھاگ لوں دنیا اٹھا کے میں
ہوتی ہے نیند میں کہیں تشکیلِ خد و خال
اٹھتا ہوں اپنے خواب کا چہرہ اٹھا کے میں
بڑھنے لگا تھا نشۂ تخلیق آب و خاک
ہے ساعتِ وصال کے ملنے پہ منحصر
کس سمت بھاگتا ہوں یہ لمحہ اٹھا کے میں
قربت پسند دل کی طبیعت میں تھا تضاد
خوش ہو رہا ہوں ہجر کا صدمہ اٹھا کے میں
اب مجھ کو اہتمام سے کیجے سپردِ خاک
اُکتا چکا ہوں جسم کا ملبہ اٹھا کے میں
اچھا بھلا تو تھا تنِ تنہا جہان میں
پچھتا رہا ہوں خلق کا بیڑا اٹھا کے میں
آؔزر مجھے مدینے سے ہجرت کا حکم تھا
صحرا میں لے کے آ گیا خیمہ اٹھا کے میں
دلاورعلی آزر
No comments:
Post a Comment