ایک ہی موج میں بہا ہُوں میں
اور اس پار جا لگا ہوں میں
نیند آتی ہے یا نہیں آتی
الغرض خواب دیکھتا ہوں میں
خواب میں ہاتھ تھامنے والے
دیکھ بستر سے گر پڑا ہوں میں
دل میں ایسی شکست و ریخت ہے اب
ہر کھلونا خریدتا ہوں میں
کیوں قدم اٹھ رہے ہیں عجلت میں
کیا بہت پیچھے رہ گیا ہوں میں
اک طرف دوش، اک طرف فردا
درمیاں سے گزر رہا ہوں میں
اور اس پار جا لگا ہوں میں
نیند آتی ہے یا نہیں آتی
الغرض خواب دیکھتا ہوں میں
خواب میں ہاتھ تھامنے والے
دیکھ بستر سے گر پڑا ہوں میں
دل میں ایسی شکست و ریخت ہے اب
ہر کھلونا خریدتا ہوں میں
کیوں قدم اٹھ رہے ہیں عجلت میں
کیا بہت پیچھے رہ گیا ہوں میں
اک طرف دوش، اک طرف فردا
درمیاں سے گزر رہا ہوں میں
لیاقت علی عاصم
No comments:
Post a Comment