دل کے ہاتھوں لٹی متاع دل

دل کے ہاتھوں لٹی متاعِ دل

چیخ کر دل نے کہا ہائے دل

دل کے کب اختیار میں ہے یہ

کوچہ یار میں نہ جائے دل

دل کو آیا نہ راس ہجر تیرا

تِری نگری میں گھر بسائے دل

دل کا جانا کمال تھوڑی ہے

دل یہ چاہے کہ ان کا آئے دل

دل اجڑنے پہ اتنی خاموشی

کوئی طوفان ہی اٹھائے دل

دل کی باتیں فقط نہیں باتیں

دل کو اب کوئی تو بتائے دل

دل کو مہر و وفا کی چاہت تھی

دل کی اب تلخیاں مٹائے دل

دل کی دنیا سے بھی نہیں بنتی

وہ ستمگر بھی تو جلائے دل

دل شگفتہ تھا عشق سے پہلے

دل کی حسرت کہ بھول پائے دل

دل کا رونا نظر نہ آئے کبھی

اس لیے آنکھوں کو رُلائے دل

دل کی پوری ہوئی نہ حسرتِ دید

دل میں تصویر یوں بنائے دل

دل کے ہاتھوں خراب خالی ہوئی

دل کو سینے میں کیوں ٹکائے دل

دل کا انجام دیکھ لو بزمی جی

دل کو ہر پل ہی اب ستائے دل

عرفان بزمی