میرا دعویٰ ہے پارسا ہوتے
تم اگر غم سے آشنا ہوتے
بارشِ آسماں دہل جاتی
میرے آنسو جو بے ردا ہوتے
کون ڈھوتا تیرے خیالوں کو
سوچ گر ہم بھی بے وفا ہوتے
عشق نے مات دے دیا ورنہ
آج ہم جانے کیا سے کیا ہوتے
تُو حسیں لفظ سے سجا دیتا
کاش غزلوں کا قافیہ ہوتے
مسلکوں کی نہ چلتی گر قینچی
آج سالارِ قافلہ ہوتے
اتنا پھینکا ہے وقت نے پتھر
ورنہ ہم آج آئینہ ہوتے
گر بچھڑنا میرا مقدر تھا
روتے روتے ہوئے جدا ہوتے
تشنگی چوم لیتی ہونٹوں کو
کاش شیدائے کربلا ہوتے
دل منانا تجھے نہیں آتا
ورنہ اتنا نہ ہم خفا ہوتے
دل سکندرپوری
No comments:
Post a Comment