سہما سہما جب اک مصرعۂ غزل سنائے تم آنا
رُوٹھی رُوٹھی گرم ہوا جب بارش لائے تم آنا
تپتے گُل کے دامن سے کیوں تم نے چُرائی خُوشبو ہے
اب جو سُرخی اخباروں کی آگ لگائے تم آنا
رستہ منزل خواب تصور سچائی بس اتنی ہے
دستک کوئی سناٹے کی آ کے جگائے تم آنا
میرے گھر کے دروازے پر کس نے لکھا ہے کاجل سے
ٹکڑا ٹکڑا کوئی آنچل جب لہرائے تم آنا
زاہد! کے گاؤں کا جہلم اب بھی پانی پانی ہے
ہر قصے کی زندہ کہانی جب بہہ جائے تم آنا
زاہد مختار
No comments:
Post a Comment