صُبح جب خیمۂ مہتاب کا دَر کھولے گی
زندگی دیر سے سِمٹے ہوئے پر کھولے گی
حدِ اَفلاک مِرے خواب کو پامال نہ کر
ورنہ یہ نیند نئی راہگُزر کھولے گی
بند کلیوں کے تعاقب میں بھٹکتی ہوئی شب
پھر کبھی لوٹ کے آئی تو یہ گھر کھولے گی
روشنی آ تو گئی ہے پسِ دیوار، مگر
اپنی زنبیل کہیں پِچھلے پہر کھولے گی
شہر میں چاروں طرف پُھول کِھلانے کیلیے
اِک نہ اِک روز ہوا زادِ سفر کھولے گی
زندگی دیر سے سِمٹے ہوئے پر کھولے گی
حدِ اَفلاک مِرے خواب کو پامال نہ کر
ورنہ یہ نیند نئی راہگُزر کھولے گی
بند کلیوں کے تعاقب میں بھٹکتی ہوئی شب
پھر کبھی لوٹ کے آئی تو یہ گھر کھولے گی
روشنی آ تو گئی ہے پسِ دیوار، مگر
اپنی زنبیل کہیں پِچھلے پہر کھولے گی
شہر میں چاروں طرف پُھول کِھلانے کیلیے
اِک نہ اِک روز ہوا زادِ سفر کھولے گی
زاہد مسعود
No comments:
Post a Comment