دشت میں رَخت نہ دے خواب کی مہلت دے دے
کم سے کم عشق میں اتنی تو سہولت دے دے
اِک سکوں میرے تعاقب میں چلا آتا ہے
زندگی مجھ کو نئے دُکھ کی بشارت دے دے
کوئی مقتل سے بلاتا ہے سو محبوب مرے
دینے آیا ہے تو پھر یوں ہے خدائے برتر
میری وحشت میں، میرے گریے میں برکت دے دے
میں نے دیکھا ہے اذیت کو پریشاں ہوتے
میرے اللہ میرے زخم کو وسعت دے دے
یہ جو پامال شدہ لاشے ہیں سب میرے ہیں
میرے آقا مجھے رونے کی اجازت دے دے
میرے تابوت کے وارث ہیں میرے گریہ کناں
اے خداوندِ عزا! ان کی ضمانت دے دے
میثم علی آغا
No comments:
Post a Comment