محبت کے سفر میں شام ہونے تک تو رک جاؤ

 محبت کے سفر میں شام ہونے تک تو رک جاؤ 

مِرے ساتھی مجھے بدنام ہونے تک تو رک جاؤ

اداسی کیوں چلی ہو تم اکیلے چھوڑ کر مجھ کو 

زرا ٹھہرو اسے تم رام ہونے تک تو رک جاؤ

فسانہ چھیڑ بیٹھے ہیں محبت کا میرے ہمدم 

مِرے کردار کے انجام ہونے تک تو رک جاؤ

ابھی اتنا کھُلا ہم پہ؛ محبت کچھ نہیں ہوتی 

محبت کے مگر انجام ہونے تک تو رک جاؤ

ابھی کچھ دن ہوئے ہیں ایک دوجھے سے ملے ہم کو 

محبت کی کہانی عام ہونے تک تو رک جاؤ

سنا ہے تم کو اب کوئی سفر درپیش ہے صاحب 

ابھی تو کارواں کا نام ہونے تک تو رک جاؤ

ابھی تو صرف گھیرا ہے مِری کشتی کو لہروں نے 

سعی ملاحوں کی ناکام ہونے تک تو رک جاؤ

ابھی ہیرے کو پتھر میں بدل جانے تو دو پہلے  

اسے مٹی میں مل کر خام ہونے تک تو رک جاؤ

ابھی ہچکی مسلسل ہے ابھی کچھ گھونٹ باقی ہیں 

کہ ختم اب زندگی کا جام ہونے تک تو رک جاؤ

عجیب ساجد