کیا بات تھی کس واسطے روٹھا تھا مرا عکس

 کیا بات تھی کس واسطے روٹھا تھا مِرا عکس

اپنا تھا مگر غیر سا لگتا تھا مرا عکس

وہ دھوپ تھی سائے کے لیے ترس رہا تھا

پاؤں میں‌ پڑا میرے تڑپتا تھا مرا عکس

میں جل بھی چکا بجھ بھی چکا مٹ بھی چکا تھا

آنکھوں میں ‌مگر اُس کی چمکتا تھا مرا عکس

آئینے کے اندر سے مجھے جھانک رہا تھا

حالت کو مری دیکھ کے ہنستا تھا مرا عکس

ہر زخم مہک اٹھا تھا ہر ٹیس چبھن تھی

کس درد کے دکھ دھاگوں سے لپٹا تھا مرا عکس

اس پر بھی اثر غم کا نظر آتا ہے مجھ کو

فاروق مجھے دیکھ کے چپ سا ہے مرا عکس

زبیر فاروق