نشاطِ حسرت بے مول کیوں اُٹھائے پِھروں
کسی کے بولے ہوئے بول کیوں اٹھائے پھروں
بلا سے چشم تہی خواب کہہ دے یہ دنیا
میں اپنی آنکھوں میں کشکول کیوں اٹھائے پھروں
مکانِ دل پہ سنوں دستکیں نئے دن کی
بجھے ستاروں کے یہ جھول کیوں اٹھائے پھروں
کہاں میں اور کہاں آزمائشِ سرو قد
کشادگی سے چلوں سول کیوں اٹھائے پھروں
گریز میرے تکلم سے گر اسے ہے کلیم
تو اس کے کلمۂ انمول کیوں اٹھائے پھروں
کلیم حاذق
No comments:
Post a Comment