تجھے کیا خبر میرے ہمسفر
تیرے بعد بستی کے سب شجر
تیرے غم کو مِل کر منا رہے ہیں
یہ اپنے پتے گِرا رہے ہیں
وہ پنچھیوں کے غول سارے
کہ جن کی چہچہاٹوں میں
محبتیوں کی دُھنیں تھیں بجتیں
وہ سب ہی ایک اداس سُر میں
تمہارا ماتم منا رہے ہیں
یہ بستی والے جو مانتے تھے
تُجھے محبت کی ایک دیوی
جو تیرے ہونے سے مانتے تھے
کہ آسمانوں کی تہہ کے پیچھے
کوئی تو ہو گا؟
کہ جس نے تجھ سا حسین یارم
محبتوں کا سفیر یارم
بنا کے دنیا پہ بھیج ڈالا
یہ تیرے جانے کے بعد ہمدم
خدا کو یکسر بُھلا رہے ہیں
یہ تیرے سارے ہی بھگت دیوی
مُلحدوں کی صف میں جا کر
خدا کے ہونے کے سب دلائل
ہوا میں مِل کر اُڑا رہے ہیں
واصف اسلم
No comments:
Post a Comment