خوش قداں میں تو جب امام ہوا
سرو سرکش ترا غلام ہوا
فوقیت ماہِ نو نے دی تجھ کوں
مدعا دل کا اب تمام ہوا
مذہبِ عشق میں مجھے سونا
روپ درسن بِنا حرام ہوا
اوس نے پایا حلاوتِ منطق
جو شکر لب سے ہمکلام ہوا
شاہِ خوباں میں گھور کر دیکھا
عاشقاں کا جب اژدحام ہوا
جب کیا توں خرید یوسف کوں
مصر خوباں میں تیرا نام ہوا
کوچۂ زلف میں اَہے نس دن
مبتلا صاحبِ مقام ہوا
عبیداللہ خاں مبتلا
No comments:
Post a Comment