احتساب
تنہائی میں اکثر سوچا کرتی ہوں
موت کیا اور حیات کیا ہے
حاصل اور لا حاصل کے کیا معنی
زندگی کے سفر میں
چلتے چلتے ایک دن
موت سے ٹکرائیں گے
لڑکھڑائیں گے اور
کچھ وقفے کے لیے
دم لے کر آگے چلیں گے
موت صرف ایک وقفہ ہے
اور پھر سے
حیات کا سفر ہوگا جاری
جو عارضی نہیں دائمی ہوگا
کبھی نہ ختم ہونے والا
یقیناً
چلو اپنا احتساب کر لیں
دائمی اس سفر کا
کچھ انتظام کر لیں
چلو اپنا احتساب کر لیں
ذاکرہ شبنم
No comments:
Post a Comment