عارفانہ کلام حمد نعت منقبت
کھینچتا ہے دل کو پھر شوق گلستان رسول
بار بار آتا ہے لب پہ نام ایوانِ رسولﷺ
دیکھ کر پھولوں کی مستی وجد لاتے جائیے
سیر ہو کر کیجیے سیرِ گلستانِ رسولﷺ
بیقرارئ دروں میں کاش رخنے ڈال دیں
سینۂ و دل کو نوازیں آ کے مژگانِ رسول
غنچہ و گل میں الجھ کر رہ گئے ہم جیتے جی
بند ہوئیں آنکھیں تو دیکھا روئے تابانِ رسول
پر بچھاتے ہیں ملائک آج یہ کس شوق میں
حشر میں آنے کو ہیں کے بے قرارانِ رسول
مغفرت برسانے والا ابرِ رحمت چھا گیا
لو گنہگارو! کھُلی وہ زُلفِ پیچانِ رسول
جیتے جی گلزارِ ہستی کی بہاریں دیکھ لو
میرے مدفن میں میسر ہو جو بُستانِ رسول
حشر میں جا کر پئیں گے ساغرِ کوثر خلیل
لے کے مرتے ہیں جو اپنے دل میں ارمانِ رسول
مفتی محمد خلیل برکاتی
No comments:
Post a Comment