مری نگاہ میں مکہ ہے اور مدینہ ہے

 عارفانہ کلام حمد نعت منقبت

مری نگاہ میں مکہ ہے اور مدینہ ہے

یہی متاعِ جہاں ہے مرا خزینہ ہے

وہ مہرباں ہو تو آفات سے نجات ملے

نبیؐ کا جود و کرم نوحؑ لا سفینہ ہے

قلم میں لکنتیں اوراق داغ داغ مرے

لبوں پہ اسم محمدﷺ کا اک نگینہ ہے

مرے حبیب ترے نقش پا کے صدقے ہی

جہانِ ریگ میں ہر جا کوئی خزینہ ہے

طوافِ گنبدِ خضرا ہی جزوِ ایماں ہے

تمام چاند ستاروں کا یہ قرینہ ہے

اسے جہانِ منور کی آرزو کیوں ہو

در نبیﷺ پہ جو با آسرا شبینہ ہے

شبینہ آرا