عارفانہ کلام حمد نعت منقبت
آمدِ خیر الوریٰﷺ کا جس گھڑی چرچا ہوا
گونج اک چاروں طرف تھی مرحبا صل علی
جھک گئے افلاک سارے آپﷺ کی تعظیم کو
اور زمیں ہونے لگی تھی آسمانوں سے سوا
دھوم کعبے کی فضا میں سرور کونینﷺ کی
سرسراہٹ تھی ملائک کے پروں کی جا بجا
عالم ہستی میں ہیں محبوب رب العالمیںﷺ
دونوں عالم پر کرم کی چھا گئی نوری رِدا
اک سکوں آور مہک سے بستیاں لبریز ہیں
ہادئ برحقﷺ کی آمد خاتمہ ہے ظلم کا
زور ور زردار ہو بے بس ہو یا لاچار ہو
آپﷺ کا بچپن، جوانی، ہر زمانہ رہنما
ہو عبادت، یا تعلق، یا دساتیرِ حیات
زندگی کیسے کٹے ایسا قرینہ مل گیا
عشق احمدﷺ کا خزانہ دل میں تیرے ہے سبین
اب غرض ہو گی تجھے مال و زر دنیا سے کیا
سبین یونس
No comments:
Post a Comment