آج حد سے گزر گیا ہے وہ

 آج حد سے گُزر گیا ہے وہ

عشق کر کے مُکر گیا ہے وہ

نقش پا تک نظر نہیں آتا

کون جانے کدھر گیا ہے وہ

جتنا پانی تھا گہرے دریا کا

ایک کوزے میں بھر گیا ہے وہ

یاد ان کی دل میں آئی وہ آسودگی لئے

یاد ان کی دل میں آئی وہ آسودگی لیے

ظلمت میں آئے جیسے کوئی روشنی لیے

اے سعیٔ ضبط لوگوں کو کیا دوں ثبوت غم

ڈر سے ہنسی کے میں نے تو آنسو بھی پی لیے

ضِدینِ کیفیات کو ہم نے سُلا دیا

جیتے رہے خوشی سے غم عاشقی لیے

بغیر تولے پروں کو اڑان مت لینا

 بغیر تولے پروں کو اُڑان مت لینا

زمین والو! کبھی آسمان مت لینا

یہ بام و در بھی اگر جسم کے پگھل جائیں

کسی سے بھیک میں تم سائبان مت لینا

بہت عظیم ہنر ہے یہ خاکساری بھی

تم اپنے سر پہ مگر خاکدان مت لینا

خدا کا جائے مسکن ہے کہاں

 بہت سے لوگ کہتے ہیں

خدا رہتا ہے آسمانوں کی بلندی پر

بہت سے لوگ کہتے ہیں

خدا رہتا ہے مسجد و محراب و گنبد میں

کبھی تم نے بھی خود سوچا

خدا کا جائے مسکن ہے کہاں؟

گزرے گزر رہی تھی اگرچہ گزر گئی

 گزرے گزر رہی تھی اگرچہ گزر گئی

وہ زندگی بھی کیا تھی کہ لمحے میں مر گئی

یہ بات تھی کہ بعد رفاقت اسے کہیں

دیکھا بھی اک نظر تھا کہ بس آنکھ بھر گئی

مایوسیوں نے راہ کا رستہ بھلا دیا

منزل جو تھی میری وہ حدوں میں اتر گئی

مرے شیریں سخنو لے کو مدھم نہ کرو

 مِرے شیریں سخنو

لے کو مدھم نہ کرو

مِرے شیریں سخنو

ہر ایک گام سگانِ غنیم کا غوغا

ہر ایک بام پہ آسیب قہر کا پرتو

ہر ایک موڑ شبِ ظلم کے قصیدہ گو

فقط یہ جان کے ہم نے سہے الم جاناں

 فقط یہ جان کے ہم نے سہے الم جاناں

کہ زندگی میں تجھے ہو نہ کوئی غم جاناں

وہ ایک بات جو تیرے حضور کہہ نہ سکے

وہ کی تِرے لب و رخسار میں رقم جاناں

تمہارے جھوٹے دلاسوں سے کیا ملے راحت

یہ دردِ دل ہے جو ہوتا نہیں ہے کم جاناں