سفر ہے مِرا اپنے ڈر کی طرف
مِری ایک ذات دِگر کی طرف
بھرے شہر میں اک بیاباں بھی تھا
اشارہ تھا اپنے ہی گھر کی طرف
مِرے واسطے جانے کیا لائے گی
کنارہ ہی کٹنے کی سب دیر تھی
پھسلتے گئے ہم بھنور کی طرف
کوئی درمیاں سے نکلتا گیا
نہ دیکھا کسی ہمسفر کی طرف
تِری دشمنی خود ہی مائل رہی
کسی رشتۂ بے ضرر کی طرف
رہی دل میں حسرت کہ بانیؔ چلیں
کسی منزلِ پُر خطر کی طرف
منچندا بانی
No comments:
Post a Comment