شہرہ مرا ہر صاحب کردار تلک ہے

شُہرہ مِرا ہر صاحبِ کردار تلک ہے

حالانکہ کہ مہارت مِری گفتار تلک ہے

پہلے تو کبھی ڈھنگ سے ملتا بھی نہیں تھا

اور اب وہ مِرے عشق میں بیمار تلک ہے

حاصل نہ ہوا کچھ بھی بجز حسرتِ دِیدار

اور حسرتِ دِیدار بھی،۔۔ دِیدار تلک ہے

عرضی تو مِرے ہاتھ میں شاہوں نے نہ دیکھی

اب دیکھیں مِرے ہاتھ میں تلوار تلک ہے

رکھتے ہیں کہاں میری شکستوں کی خبر غیر

یہ شوق تو اپنوں میں بھی دو چار تلک ہے

شجاع خاور