پیوست دل میں جب تِرا تیرِِ نظر ہوا
کس کس ادا سے شکوۂ دردِ جگر ہوا
کچھ داغِ دل سے تھی مجھے امید عشق میں
سو رفتہ رفتہ وہ بھی چراغِ سحر ہوا
تھم تھم کے انکے کان میں پہنچی صدائے دل
سینے میں پھر بھڑکنے لگی آتشِ فراق
دامن میں پھر معاملۂ چشمِ تر ہوا
رگ رگ نے صدقے کر دیا سرمایۂ شکیب
اللہ! کس کا خانۂ دل میں گزر ہوا
فریاد کیسی کس کی شکایت کہاں کا حشر
دنیا ادھر کی ٹوٹ پڑی وہ جدھر ہوا
وارفتگئ شوق کا اللہ رے کمال
جو بے خبر ہوا، وہ بڑا باخبر ہوا
حسرت اس ایک طائرِ بے کس پر، اے جگرؔ
جو فصلِ گل کے آتے ہی بے بال و پر ہوا
جگر مراد آبادی
No comments:
Post a Comment