ہم نے اے جانِ وفا تیری عبادت کی ہے
فلمی گیت
یوں تو ہر شخص نے دنیا میں محبت کی ہے
ہم نے اے جانِ وفا تیری عبادت کی ہے
ہم نے تو اپنا خدا مان لیا ہے تجھ کو
جو فرشتوں سے نہ ہو پائے وہ عبادت کی ہے
ہم نے اے جانِ وفا۔۔
پهول پہ رنگ گهٹاؤں پہ جوانی آئی
آپ کی زلف نے موسم پہ عنایت کی ہے
ہم نے اے جانِ وفا۔۔
اپنے ہی آپ پہ دل آنے لگا ہے میرا
آپ نے جب سے میری دل پہ عنایت کی ہے
ہم نے اے جانِ وفا۔۔
جاں کہا تم نے تو ہم جان فدا کر بیٹھے
تم نے افسانہ کہا ہم نے حقیقت کی ہے
ہم نے اے جانِ وفا۔۔
التجا ہے میری آنکھوں سے نہ اب دور رہو
میں نے کب کی، میری آنکھوں نے شکایت کی ہے
ہم نے اے جانِ وفا۔۔
اتنے نزدیک نہ ہو ہوش سے کچھ کام تو لیں
چرچے ہو جائیں گے ہم تم نے محبت کی ہے
ہم نے اے جانِ وفا۔۔
ہوش کی بات کوئی ہو تو بهلا کیسے ہو
ایک دیوانے نے دیوانے کی چاہت کی ہے
ہم نے اے جان وفا تیری عبادت کی ہے
ہم نے اے جانِ وفا۔۔
تسلیم فاضلی
No comments:
Post a Comment