دل کو از راہ دل لگی نہ لگا

دل کو از راہِ دل لگی نہ لگا 

یونہی ہونٹوں سے بانسری نہ لگا

جلد ہی میں بدلنے والی ہوں 

آئینے! مجھ سے دوستی نہ لگا 

بجھ بھی سکتے ہیں آنکھ کے آنسو 

اپنی چلمن سے روشنی نہ لگا 

تیری آنکھوں میں بات تھی کوئی 

تُو مجھے عام آدمی نہ لگا 

رب کہے تجھ سے دور ہو جاؤں 

میں کہوں شب سے چاندنی نہ لگا 

اب سمیٹے سمٹ نہ پاۓ گی 

اب قطاروں میں زندگی نہ لگا 

اپنے حرفوں کو مت سمجھ قاصد

بے سبب زورِ شاعری نہ لگا

رخشندہ نوید