یاد آئے ہیں عہدِ جنوں کے کھوئے ہوئے دلدار بہت
ان سے دور بسائی بستی، جن سے ہمیں تھا پیار بہت
اک اک کر کے کھلی تھیں کلیاں اک اک کر کے پھول گئے
اک اک کر کے ہم سے بچھڑے، باغِ جہاں میں یار بہت
حسن کے جلوے عام ہیں، لیکن ذوقِ نظارہ عام نہیں
عشق بہت مشکل ہے لیکن عشق کے دعوے دار بہت
زخم کہو یا کھلتی کلیاں، ہاتھ مگر گلدستہ ہے
باغ وفا سے ہم نے چنے ہیں پھول بہت اور خار بہت
جو بھی ملا ہے لے آئے ہیں، داغِ دل یا داغِ جگر
وادی وادی منزل منزل، بھٹکے ہیں سردار بہت
علی سردار جعفری
No comments:
Post a Comment